अब कोन्हो गरीब के हक़ नई मरे, कोन्हो ला बड़का बाबू के नखरा झेले बर नई पड़े- हमर कका
अब कोन्हो गरीब के हक़ नई मरे, कोन्हो ला बड़का बाबू के नखरा झेले बर नई पड़य, काबर के हमर छत्तीसगढ़िया मुख्यमंत्री ह अपन भेंट मुलाकात म भ्रष्टाचारी मन ला सस्पेंड कर कड़ा संदेश देहे।
जनता के आसान काम ला अटकईया अऊ परेशान करईया अधिकारी मन के अब खैर नई हे। हमर मुखिया दाऊ भूपेश बघेल जी हा आम लोगन के हाल चाल जाने अऊ ओखर परेशानी ला समझे बर पूरा राज्य के दौरा म निकले हे। पहिलीच दिन सामरी विधानसभा के कुसमी नगर पंचायत पहुँच के किसान, मजदूर, युवा अऊ महिला मन ले मुलाकात करिस अऊ स्कूल जाके लईका मन के पढ़ाई के घलो हाल-चाल जानिस।
हमर मुखिया ह खुदे राशन दुकान पहुँच के खाद्यान्न के गुणवत्ता ला देखिस अऊ हितग्राही मन ला चाउर अऊ चना के वितरण घलो करिस, इही बेरा म एक झन दाई ह अपन राशनकार्ड म नाम कटे के शिकायत करिस जेमा दाऊ जी तुरते कार्यवाही करते हुए कलेक्टर ला फ़ोन लगा के जिला पंचायत के सीएमओ ल सस्पेंड करे के आदेश जारी करिस।
भूपेश दाऊ के एक्शन ला देख के जम्मो भ्रष्टाचारी मन सहशत म हे, कि कर ओखर नंबर लग जाहि। हमर मुखिया के ए फैसला बढ़ जबरदस्त हे जेखर ले जनता ला परेशान करईया अधिकारी-कर्मचारी पस्त हे!
